Um okkur

Kaupfélag Borgfirðinga svf. er samvinnufélag sem rekur verslun eftir hugmyndafræði samvinnustefnunnar. Markmið félagsins er að stuðla að atvinnuuppbyggingu og atvinnuþróun á Vesturlandi ásamt því að sinna þjónustu við íbúa, dýraeigendur, bændur, sumarbústaðaeigendur og ferðalanga svæðisins.

Allir geta gengið í félagið en aðeins þeir sem eru búsettir á félagssvæði Kaupfélags Borgfirðinga hafa rétt á aðalfundarfulltrúa á aðalfund. Þeir sem ekki búa á félagssvæðinu eru aukafélagar utan deilda og hafa ekki atkvæðisrétt en njóta kjara félagsmanna. Félagsvæði kaupfélagsins er Hvalfjarðarsveit, Akraneskaupstaður, Skorradalshreppur, Borgarbyggð, Eyja- og Miklaholtshreppur, Snæfellsbær, Grundarfjarðarbær, Sveitafélagið Stykkishólmur og Dalabyggð- og Reykhólahreppur. Félagsfólk nýtur margvíslegra afláttarkjara í verslun kaupfélagsins að Egilsholti 1 í Borgarnesi sem og í verslunum Samkaupa um land allt.

Deildir Kaupfélags Borgfirðinga eru 15 talsins og félagsmenn tæplega 2000. Félagið er rekið í anda samvinnustefnunnar og á grundvelli sjálfshjálpar, sjálfsábyrgðar, lýðræðis, jöfnuðar, jafnréttis, sjálfbærni og samvinnu. Aðalfundur er haldinn á hverju vori, þar sem 64 fulltrúar eru kjörnir til fundarsetu. Á aðalfundi hafa allir félagar málfrelsi og tillögurétt, en einungis kjörnir fulltrúar hafa atkvæðisrétt, aðalfundur er opinn öllum félögum.

Félagið leggur áherslu á að vera til fyrirmyndar í umhverfismálum, leggur áherslu á að kaupa inn vistvæn aðföng og leggur sig fram við að stuðla að sem bestri nýtingu þeirra. Kaupfélag Borgfirðinga tekur jafnframt virkan þátt í verkefnum er stuðla að framförum og uppbyggingu atvinnulífs og samfélagsins á félagssvæðinu.